نهفة من الاخر / قبعت

نور و سنوات الضيياع و قبعت / قبعت

وصلني من مصدر موثوق رفيع المستوى (احد مشاهدي المسلسل) انه قد تم عرض اخر الحلقات من المسلسلين "نور" و "سنوات الضياع" وبذلك يكون الهوس الجماهيري قد دخل في مرحلة الماضي و البكاء على الأطلال و الخوف كل الخوف الان من الاعادة.
الدروس والعبر المستفادة من المسلسلين :
* مهند و نور يحب بعضهم الاخر برغم الكم الهائل من المشاكل.
* لميس تحب يحيي ويحيي يحب لميس.
* ان الوطن العربي بأسره لا يملك ذره من فهم.
* البيوت العربية خالية تماما من الرومانسية الا من رحم ربي.
* ان المواطن العربي اصبح منفتحا على الثقافة العالم الاول وهذه الثقافة تتمثل ب :
1- الزواج شيء غير ضورري يمكن ان تنجب الاولاد ومن ثم تفكر بالزواج أو حتى لا تتزوج فذلك ممكن.
2- المرأة بالمفهوم العام ذات مركز قوي ولها الكلمه الاولى و الرجال يتسابقون لارضائها.
3- الرجل الوسيم هو الذي يحظى بقلب المرأة والمبادء والاخلاق اخر المتتطلبات.
* التخلص من الزوجه بحجة الغيرة(حالات الطلاق المتكرره).
* الرجل العربي رجل حمش وغيور جدا يعني من كثر ما هو حمش سمحلها تتطلع على المسلسل بس ما تنجاب سيرة مهند فهذا غير ممكن.
* أكل اللحمه (ذبح رجل شاة للمولود الجديد الذي انجبته لميس بالمسلسل وقام بتوزعة).

الله الله يازمن, بطل في خجل ولا حياء !! عيوبنا و التخلف والسيط العاطل سبقنا
والله يا اخوان انها قبعت.

تعريف سعيد العتبه أقدم أسير / قبعت

سعيد العتبه "سعيد وجيه سعيد العتبة" الملقب ب "أبو الحكم" و "عميد الاسرى" من مواليد سنة 1951
قضى 26عام من عمره قبل الاعتقال داخل مدينة نابلس وهو خبير بالعبوات الناسفة.
كان عضو اللجنة المركزية بالاتحاد الديمقراطي الفلسطيني "فدا".
في عام 1977 ارسل احد الاعضاء بمنظمته 'فدا' لزرع عبوه ناسفة ولكن قوات الاحتلال القت القبض عليه واعترف على ان ابو الحكم هو رئيس الخلية فقامت قوات الاحتلال بالقاء القبض على ابو الحكم حيث كان يبلغ من العمر 26 عام وقد حكم عليه سنة 1978 بالسجن مدى الحياة.
عانى اشد المعناه داخل الاسر من جراء المعامله غير الانسانية التى تلقاها ولكن مع كل هذه المعاناه صمد وظل شامخا في وجه سجانه وفي احدى رسائله المهربة يقول : "لم تتعبني هذه الرحلة الطويلة مع ان التعب صفة إنسانية وقد أكون مكابرا لو أنكرت ذللك لكن التعب مسألة نسبية فإذا كنت تعبت من السجن فهذا لا يعني أني تعبت من حمل قضيتي وقناعاتي التي قادتني الى السجن ما زلت أملك الطاقة لأكمل نحن كشعب لا نملك الكثير من الخيارات المسألة هي أن نكون أو لا نكون, فإما أن تكمل بنفس الروح وإما أن تسقط وتنتهي كإنسان وقضية".
تم الافراج عنه في 25/08/2008
كم نحن فخورن بك يا ابا الحكم وبكل الفلسطينيين الذين حملوا هم قضيتهم ونقول من ورائك
ما زلنا نملك الطاقة لنكمل.

هيفاء وهبي انا تحت أمر حزب الله / قبعت

نعيب زماننا والعيب فينا وما لزماننا عيب سوانا

من اكثر الامور المضحكة ان تكون هذه المرأة التي تبيح التعري وتنشر القذاره في كل مكان ان تعلن حبها وانتمها للحركات الجهادية (مع التحفظ لمفهوم الجهادية عند حزب الله) وان تبين للعالم انها من القوميات اللواتي يتمنين الانضمام الى ساحة المعركة.
كان من المفترض عليها بالبداية ان تحتشم وتدع كل القاذورات التي تركض ورائها وتعلن انها توجهت الى الله مستغفرة عن الكم الهائل من الذنوب التي وقعت بها فالجهاد لا يكون بالكلام ورفع الشعارات فالاستعداد النفسي والاخلاقي والتوجه الى الله من اهم مقومات الجهاد فالنصر لا يكون بالكم او القدرة العسكرية الهائله بل بالاستعداد بما نستطيع من القوه والتمسك بالله وتطبيق أوامره هو الجانب الاهم حتى يتسنى لنا النصر.

و إليكم الرابط :
قالت: "أنا تحت أمر السيد نصرالله فيما يطلبه مني"

بنزين 95 ب 13 دينار للتنكة / قبعت

بعد الانجاز الباهر الذي قامت به الحكومة (الله يحفظها) من تخفيض لأسعار المشتقات النفطية و المجهود العظيم الذي استمر اكثر من 11 يوم لاتخاذ القرار بالتخفيض اقترح على الحكومة الموقرة ان توظفني عوضا عن المحاسب الذي يعمل لديها لتدني مستواه الواضح بالرياضيات.

باختصار نسبة التخفيض غير متوقعة حيث كانت النسبة 5 % !!!!
قمت بحسابها بشتى الطرق فلم احصل على نسبة التخفيض التي خرج بها تعالو نحسبها بالعقل :
سعر القديم - السعر الجديد
147 - 115 = 32
32 / 147 = 0.21768707
اي ان النسبة 21% وفراطة
يعني التنكة 16.8 * 21% = 3.528
سعر التنكة القديم 16.8 - 3.528 = 13.272 دينار
العملية الحسابية السابقة لا تحتاج الى خبرة وهي عملية غير معقدة ولو افترضنا ان هنالك خربطة بالموضوع وقراءة الارقام بشكل غير صحيح فمن اين جاءت نسبة 5% ؟؟؟؟؟!!!!

كلمة حب / قبعت

في الايام الماضية جال في خاطري ان ابحث عن كلمة ذات معنى اسمى من كلمة "حب" أو في تعبير اخر ذات معنى عملي وليس فقط كلمة استغلها الكثير للتلاعب بمشاعر الاخرين مع علمي ان كلمة حب كلمة قوية المعنى واضحة الهدف ولكن لابد ان هنالك كلمة تدل بمعناها وبتطبيقها على مقدار الحب ....
ارجوا من الجميع المشاركة والتعليق وابداء الرأي بمعاني أو دلالات الحب وان شاء الله سوف اكتب موضوع يتعلق بذلك و شكرا ....

صور جميلة / قبعت

صور رائعة تستحق الشاهدة وان شاء الله سوف ارفع المزيد

عودة للكتابة / قبعت

السلام عليكم و رحمة الله و بركاتة اعتذر عن تقصيري لكل من احب ان يقرا في مدونتي ولكن ممررت في الاشهر الماضية بحالة إحباط وملل شديدين منعاني من الكتابة وها انا ذا قد عقدت النية للعودة الى الكتابة وافراغ الشحنات الزائدة هنا, وفق الله الجميع لما فيه مصلحت الدارين وارجوا منكم مساندتي والدعاء.

شو بتقول / قبعت

كثير من المواقع مشهورة بس ما بتلاقي فيها اشي واو ويعجبك الا ما ندر بس الموقع الجديد اللي

نزل "شو بتقول" فيه نهفات وصور غريبة وحلوه, الموقع اسمه ملفت للانتباه وهاي بعض الصور :

بجننو

اعطيها

لأ و عامله زفه

وضعه مرتاح

ماسك الشمس

فوت وتفرج الموقع اكثر من رائع

http://www.shobetgool.com

نهفات من الأخر (2) / قبعت

هذا الجزء الثاني من النهفات الطقع اللي صارت معاي و النهفه انه صاحب النهفه ولا هو هون يعني ما الو بالطبخة ولا عارف النهفه وين :)

• في المدرسه اللي كنت فيها كان في مساطيل كثير بس زي هيك مسطول مافي :)
  كنا نستنا استاذ الدين و الكل حامل المصحف و بحضر كان الدرس تجويد فات الاستاذ وقرأ علينا الايات وشرحلنا حكم الادغام بغنه بعد ما شرح بلش يعطي امثله ويسأل مين بعرف اية فيها حكم ادغام بغنه في من الطلاب جاوبو صح وفي منهم غلط والاستاذ كان يصلح ويحكي شو الحكم الصح صاحبنا النهفه كان سرحان الاستاذ اطلع عليه وسأله اعطيني اية فيها حكم ادغام بغنه ؟؟
  الطالب صفن و الزكرتي فيكم يعرف ايش كان الرد !!!!!
  
  يمكن يكون جاب اية فيها اظهار !!!!! لأ ... ولا خطرت بباله
  
  اخفاء !!! كمان لأ ...
  
  صاحبنا بكل عزم و الزلمه كان واثق من حاله و قال : منسف (مننسف)
  تخيلو لون وصلت التياسه والنهفة الاكبر بعد ما الاستاذ و الصف ضحك صاحبنا مو عاجبو ومتاكد انه الجواب صح
  وسأل الاستاذ طيب أيش حكمها ؟؟؟؟؟؟؟؟؟؟؟؟
  
  :) :) :) :) :)

• في شب صاحبي عاقل وشاطر واشطر اشي بالسواقه مع انو بحياته ما قعد ورا استيرنج (طبعا ما بعرف يسوق ) كنا في يوم مشمس طالعين مع ابن خالتوا للشب انوزع بضاعة وبعد ما خلصنا توزيع صاحبنا اصر انه يتعلم اسواقه صفينا بمنطقه مقطوعة والشفير نزل قعد مكانه صاحبنا
  صاحبنا قعد يسوق ويدعس بنزين ويحرك الاستيرنج بس على الفاضي وانا والشفير فاقعين ضحك يا حزركم ليش !!!! الشفير بس نزل وركبه مكانه طفى الباص عشان الزلمه يتعلم من زرع " يعني يتعلم من الصفر " وهو بشطارته كان يدعس ومستغرب ليش الباص ما بمشي !!! :) :)
  في مره ثانية كنا طالعين نفس الطلعه الزلمه اصر علينا وحلف انه صار يعرف يسوق وانه ما راح يعيد اللي صار المره الاوله الشفير المره هاي نزل وخل الباص شغال عشان صاحبنا ما يغلب ويصير معاه زي المره الماضيه صاحبنا صار ورا الاستيرنج والمره هاي ما دعس بنزين بلش يشغل بالباص مع انه الباص شغال لحد ما حرق السلف وحنا مش قدرين نحكيله من كثر ما بنضحك انه الباص مشغل :) :) :)
  

نهفات من الأخر (1) / قبعت

يعني الواحد بصير معا نهفات بس زي هيك مواقف ما اظن انها مرة على بشر لأنو اللي بعرفهم مش طبيعين نهفات من الاخر

• حدى فيكم شاطر بالاعراب ؟؟؟
  
  يعني لو طلبت منكم اعراب كلمة "بعض" حدى بقدر يعربها او بتصور صاحبنا كيف اعربها ؟؟؟؟
  
  
  للنهفة يمكن حدا يعربها مبتدأ .... !!!!
  
  خبر .... !!!!
  
  
  فعل ماضي ولا حتى مضارع يعني بس زي هيك اعراب ما مر علي

صحبنا يا حبايبي اعربها كالتالي
بعض : ب حرف جر
عض اسم مجرور
:) :) :) :)

• للأمانه النهفه هاي شب صاحي وبحياتو ما شرب أو اخذ سيجارة حشيش يعني صاحي وضعو 100%
  كنا قاعدين بعرس شب صاحبنا وبنحكي وبندردش الشب عطش صب كاسة مي
  ورفعها قاصد انو يشرب !! احنا اطلعنا فيه على اساس انو يشرب ويكمل الموضوع بس الزلمة لسا بحكي والنهفه إنو ميل الكاسة وصارت تشرشر مي على الطاولة وصاحبنا ولا هو هون طلع مفكر حالو بشرب ؟؟؟؟
  يعني بحياتي ما شفت اغرب من هيك حاله حدا بخربط بمكان ثمه (الفم) بصب الميه برا :) :) :)

ولسا في زي هالنهفات واحلى بالمرة الجاي :) :)

عذرا و لكن/ قبعت

هل صدق نزار قباني الشاعر بالإعتذار لسيدة الغناء العربي فيروز ؟؟؟؟

حين إعتلت "الست" خشبة المسرح وبدأت بمواساة اكثر من مليار متخاذل توعدهم وتمنيهم بقرع الأجراس ....أجراس العودة !!! تلك السيدة التي لا تملك إلا الصوت الجميل!!
وربما و برغم الإنجاز الغنائي التي وصلت إليه لم يتعدى صدى هذه الأغنية وكل ما غني لأجل العودة لأبعد من جمجمة مستمع عربي يحلم لثوان ان ترجع عزة هذه الأمة.

الأمة التي إلى يومنا هذا يعتبرُ كل ما تحلم به أضغاث أحلام لم يجرأ أحدٌ بتفسيرها !!! صناعة الرجال أخر أولوياتها, وصناعة البرامج الساقطة هدفها ومبتغاها.

صحيح كان الرد على طلب القرع عنيفا و لكن دون فائدة لم يستيقظ أحد !! لم يعد هنالك أحياء !!اصبحت الأمة بدون دماء !! تبعثر الحياء !! تساقط الكبرياء

"خازوق دق ولن يقلع من شرم الشيخ إلى سعسع......عفوا فيروز ومعذرة أجراس العودة لن تقرع

هكذا أراد الأعتذار بعد الصفعة !! بالتذكير بحجم الخازوق المندس بلا ألم متجاهلا كل البروتوكولات الكذابة التي نتلوث بها.
بعد احتفال عدونا بقيام دولته على أرضنا لستين عام قد مضت دون أن يتبدل وجه التاريخ الباصق على العباءات التي نلتف بها.
هنالك أسئلة كثيره تجول بخاطري لا أجد لها تفسيرا أو جواباً
كيف تهاون العربي بالدفاع عن شرفه وعرضه؟؟؟
أم كانت قصص البطولات وحكايات الشرف الرفيع الذي نتفاخر به سرابا !!!
ستون عام قد مضدت والعداد يدور إلى متى ؟؟؟
من أين جاء الهوان هل ورثناه !!!

يقولون في المثل "إذا اردت أن تصنع لسنه فازرع قمحا وإذا أردت أن تصنع لعشر سنين فازرع شجرا وإذا أردت أن تصنع لمئة عام فاصنع رجالا "
أين نحن الأن ؟؟
عذرا ايه التاريخ لن تجد شيئا ثمينا لتكتبه توقف بنا الزمن وبال عينا.

حتى الثقافة عوجه / قبعت

كلمات كثر تتخبط بنا فاليوم ومع كل الثقافة المزعومة التي يتحدث بها سائقو السيارة الصفراء "التكسي" تقف وتسأل نفسك ما الحقيقة.
و إليكم بعض التجارب الشخصية التي حصلت معي :

• في يوم من أيام رمضان المبارك إطلعت مع شفير تكسي كنت راجع من المستشفى وعيفان التنك وبلش الشوفير يفتح موضوع ويسكر ثاني المهم أغرب قصة انو الزلمة طلع ما بصوم احكي اتقبلتها هاي لانو اغلبيتهم زعران و ما بعرفوا اتجاه القبلة وين المهم بالقصة انو الزلمة طلع ما بصوم عشان الوازع الديني اللي بداخله :) !!!!! هاي أول مرة بسمعها عشان الزلمة صاحب دين ما بصوم سألته كيف ؟؟ رد علي وقال يازلمة أصلا صيامنا حرام انا كل يوم الصبحيات ما بخلي حدا من شري الكل بسب عليه مسبات من الزنار وتحت "يعني بطعمو" و انا بصراحة ما بدي يكون صيامي جوع كلاب لأنو سيدنا عمر بن الخطاب صلى الله علية وسلم هيك قال يعني الحديث واضح . أنا هون خف عقلي سيدنا عمر بن الخطاب كان نبي وانا ما بعرف بصراحة انا فكرت انو الزلمه قصده انو الي رواه سيدنا عمر رضي الله عنه بس لأ الزلمة متأكد من الحديث أنو لسيدنا عمر وبصراحة أنا شوي صدقته لانو الزلمة زي ما شرحلي قارء وعارف بالدين كويس مش كتاب واحد ما تعد قديش قرأ. فيا إخوان الي بمر عليه كتاب إنو سيدنا عمر رضي الله عنه كان نبي يحكيله اسمه لاني لحد هسا تايه.

• قصة ثانية حصلت معي و انا راكب مع شوفير ثاني كنت مروح من الدوام بعد ما كنت متأخر فيه يعني الساعة كانت بحدود العشرة ونص اطلعت معاه و ظل الزلمه ساكت تقريبا 5 دقايق انا انبسطت :) شوفير تكسي وما بحكي وبعرط ممتاز هذا المطلوب !!! ما خلصة تفكير بالحالة العظيمة الي انا فيها وبلشة سمة البدن :( يعني اكذب من هيك مافي الزلمة طلع مش متزوج مع انو كبير يعني عمرة فوق ال 35 سنة احكي هاي مش كذبة بس يطلع ما في بنت بالمملكة إلا معا رقمها يعني البنت ما بطلع فيها إلا بتذوب وما بتسدق وهو يعطيها رقمو يعني الزلمة مقطع النسوان وبعدين الكل بدو رضاه يعني وحده بتشحنلوا الخلوي واللي بتطلع تسهره غير المتزوجه اللي تعرف عليها أخر مره وبتصرف عليه و المشكلة وين انو التكسي إلو وبطلع كويس يعني بشمط باليوم فوق 50 دينار ومش مكفينو وهسا هو بشكل جدي مفكر يبيع التكسي ويطلع على مصر بتعرف نسوان أكثر وبدو يزيد دخلو.
  

بالله عليكم ما قبعت ؟؟

لا للمقاطعة / قبعت

"قاطعوا المنتجات الدنماركية " هكذا كان شعار الحملة التي هب بها مسلمو العالم في أول نشر للكاركتيرات التي تمس رسول الله صلى الله عليه وسلم فكانت المقاطعة و لكن ما لبثنا و بعد فترة قليلة من الزمن ان تناسينا تلك الرسومات التي تهزء بالمسلمين وتسيء إليهم وليس لرسولنا الكريم فلا شيء يسيء إليه صلى الله عليه وسلم.
و عدنا لنشتري تلك المنتجات و البضائع.
و هاهم قد عادوا للنشر والإستهزاء بكل مسلم و التهاون بهذه الامة التي صدق رسول الله صلى الله عليه وسلم بوصفها انها كغثاء السيل كثير و لكن بدون فائدة ولا جدوى
قال رسول الله صلى الله عليه وسلم: "يوشك الامم ان تداعى عليكم كما تداعى الاكلة الى قصعتها" فقال قائل: ومن قلة نحن يومئذ؟ قال: "بل انتم يومئذ كثير، ولكنكم غثاء كغثاء السيل، ولينزعن الله من صدور عدوكم المهابة منكم، وليقذفن الله في قلوبكم الوهن" فقال قائل: يارسول الله، وما الوهن؟ قال: "حب الدنيا وكراهية الموت".
اصبحنا كما لو اننا لسنا موجودين في هذا العالم, نكرة يتلاطمنا العالم تحت شعار حرية التعبير
هل اصبحت حرية التعبير التهجم على أكثر من مليار مسلم؟؟
هل الديمقراطية التي ينادون بها تحل لهم ان يصبوا قذارات أفكارهم على العالم؟؟؟
هل اصبحت الشعارات و الاستنكار الروتيني التي نصرح به هو اعظم ما نقوم بفعله؟؟؟
كيف نسكت على من يصور الاسلام بأنه إرهاب ونبيح لمن لا يعرف قيمتة برسمه بابشع الصور ؟؟؟
هل أصبح جل اهتمامنا واسمى غايتنا أن يتقدموا لنا بالاعتذار ؟؟؟
أسأنا لانفسا قبل أن يسيؤا لنا فللننهض ونقم بأبسط ما يمكن فعله
فالمقاطعة الأن لا بد ان تكون أكثر إصرارا وحزما "لا للمنتجات الدنماركية" بتاتا ليس فقط في ثورة الغضب و لكن إلا الأبد, و إلا "لا للمقاطعة".

لا للهواتف الخلوية/ قبعت

من المستغرب ان تكون في القرن الواحد و العشرين , وتفكر وفي منتهى الجدية ان تستغني عن ما يعتبره العالم و سيلة التواصل الاكثر انتشارا - والأكثر ربحا بالخاوة - حيث حدثت معي القصة التالية :
بعد المعاناة الصعبة مع شركة زين و الفواتير التي ما انزل الله بها من سلطان و الضرايب اللي بدفعها طبعا في اشي بعرفو وفي اشي مابعرفو اسمعت عن عرض بشركة Orange انو اشترك و حكي مع 3ارقام ببلاش بس ادفع اشتراك شهري فقط 16 دينار طبعا غير الضرايب و الله زي الاسد رحت اتفرج على العرض و أشوف انو بوفي ولا لأ, رحت على المعرض طبعا كل الشعب هناك فوق بعض إجا دوري بعد ساعة ونص بس ايش و لا حسيت فيهم بتعرفوا الموظفات بفتحو النفس كلهم بجننو وحاجات طيبة المهم البنت اقنعتني بالعرض و الواحد بيني وبينكو ما انتبه للعرض قد ما انتبه للمزه الي بتشرح اللي فهمتو انو ادفع و أول شهر اشتراك مدفوع يعني اول شهر ريح راسك و بعدين اتخوزق براحتك طبعا اشتركة لانو العرض زي ما حكتلي -اللمزة- مغري ولازم اتوفرهيك بتحب براحتك و لا بتدفع إلا الإشتراك و الله حكيت بعقلي خليني أوفر وأشترك بعدين ما في وقت للتفكير الشعب خمسة مليون حبيبة الكل بحب 17 بنت بنفس الوقت المهم اشتركت و الشغلة عجبتني و بلشت احكي مع الخطيبة ببلاش طبعا زي ما حكولي.
ما في عشرين يوم و والخط بطل يرسل طبعا انا انبخعت دافع الاشتراك لأول شهر والخط ما حكيت في إلا مع الخطيبة ليش بطل يرسل ؟؟؟؟
اتصلت مع الشركة وسألتهم ليش الخط ما بيرسل طبعا كالعادة بعد ما تحكي مع 17 موظف بتعرف السبب انو انت تجاوزت الحد الاعلى لقيمة الفاتوة و هون انا كان في عقل وطار ما إلي مشترك 20 يوم وينفصل الخط و انا كمان دافع الاشترك لا تنسو تاع أول شهر اطلعت على المعرض لأنو أكيد في خربطة الحظ النحس أو إنو النظام البشتغلو علية وقع يعني بطل يشتغل عمركم شوفتو شركة كبيرة النظام تاعها بوقع قدمة شكوه خطية على اساس انو حدا يحكي معاي ويعتذر عن هاذا المعاملة اللي بنظري كانت عاطلة يعني ما بسير بعد يومين البريد تاعي في رسالة من الشركة فتحتها طبعا زي الاسد كمان بتعرفوا الدنيا عبارة عن غابة وكلنا أسود فيها يعني ما في حدا أرنب إلا بدارة وكانت الفاجعة الفاتورة 44.50 دينار وإليكم تفصيلها
مجموع فيمة المكالمات : 4.50 دينار. طبعا انا بحكي بلاش يعني هدول من وين اجو مابعرف
أشتراك شهري : 26.30 دينار . طبعا انا دافعوا بس من وين إجا ما بعرف
و ضرائب ورسوم : 13.70 دينار. كيف بحسبوها علمها عند ربي

و الباقي عنكم فكركم ادفع ووفر ولا إيش رأيكم لسا بدي تلفونات